Transaction Fees
Transaction Fees

Transaction Fees

Napag-usapan natin ang input sa Coinbase transaction, at ang output. Ang total na pabuya ay bagong Bitcoin at transaction fees. Ang transaction fees ay ang diperensya ng lahat ng Bitcoin na nasa input ng mga transaksyon sa block at ng lahat ng Bitcoin na nasa output.

Total fees = Sum (Inputs) – Sum (Outputs)

Pagkatapos, ipagsasama ang block reward at transaction fees bilang halaga ng Bitcoin na pabuyang isasaad sa output.

Sa block 170, nabanggit na walang transaction fee. Sa block 777777, kung ang block reward ay 6.25, ang transaction fee ay 0.18403232 kaya ang kabuuang pabuya ay 6.43403232 Bitcoin. Dahil mas mahal na ang Bitcoin kumpara noon, mahalaga na ang karagdagang pabuyang yan kahit pawang maliit sa paningin.

Daloy ng coinbase transaction sa Block 170, na pinapakita sa https://blockstream.info (kinuha noong Enero 22, 2024)
Daloy ng coinbase transaction sa Block 777777, na pinapakita sa https://blockstream.info (kinuha noong Enero 22, 2024)

Balikan lang natin ang pisikal na paghahalintulad ng Bitcoin sa sitwasyon ng block rewards. Ang bagong Bitcoin ay manggagaling sa enerhiyang ginamit ng lahat ng kasapi sa pagmimina, subalit sa isang miner lang ilalaan. Samantala, ang mga maliliit na butil ng transaction fees na ihiniwalay ng iba-ibang taong nagtranskayson, ay tutunawin kasama ang bagong Bitcoin na namina para magkaroon ng kabuuang Bitcoin na mapupunta sa nanalong mining node.


Kitakits sa ika-10

Salamat sa litratong ito na minodipika: Photo by Pixabay: https://www.pexels.com/photo/water-drop-40784/

Mag-iwan ng Tugon

Ang iyong email address ay hindi ipa-publish. Ang mga kinakailangang mga field ay markado ng *