Isa sa paraan upang mapabilis ang pagkalat ng block sa network ay ang paggamit ng compact block relay, na nasasaad sa BIP-0152. Ang bawat node kasi ay may mempool kung saan malaki ang tsansa na maraming pinagkaparehas sa ibang node. Kaya, ang miner ay maaaring magpasa lamang ng partial na block data. Ang makakatanggap na node ay maaaring makuha ang kabuuan ng block dahil sa naiipon nitong mempool transactions. At gayun din ang node na ito, kahit compact block lang muna ang ipasa sa iba. Hihingin nalang ang kulang kung sakaling hindi pa kayang buuin ang block mula sa sariling mempool transactions.
Ang compact block ay naglalaman ng:
- “HeaderAndShortIDs” – na naglalaman ng block header at mga short transaction IDs (sa halip na normal na TXID). Napapaloob din dito ang susunod:
- “PrefilledTransaction” – kung saan may coinbase at iba pang transactions na inaasahang wala pa ang ibang node.
Tignan nalang ang mga detalye sa BIP-0152 kung gusto mo pang siyasatin.
Ang high bandwidth mode ay eager push na stratehiya ng gossip protocol. Samantalang ang low bandwidth mode ay lazy push.
Ang compact block relay ay nakakatulong rin na gawing mas patas ang kompetisyon sa proof of work, dahil mas maagang nalalaman ng ibang miners na meron na palang block na bago. Mababawasan ang sayang na trabaho.
Kitakits sa ika-10.
Salamat sa litratong ginamit na pambungad, na minodipika: Photo by Ron Lach from Pexels: https://www.pexels.com/photo/mother-and-daughter-holding-building-blocks-over-a-bag-10554834/